Bakı Metrosunda Yeni il qatarı xəttə buraxılıb və tədbirlər təşkil olunub. Bu haqda 26 dekabr tarixində Report məlumat verib.
Dünya Azərbaycanlılarının Həmrəyliyi Günü və Yeni il mövzusunda tərtib edilmiş qatar yanvarın 1-nə kimi gün ərzində müəyyən olunmuş marşrut üzrə hərəkət edəcək. Dekabrın 29-u və 30-u Şaxta baba və Qar qız qatarda sərnişinlərlə görüşəcək. “İçərişəhər” stansiyasının vestibülündə yeni il şousu təqdim ediləcək. Məşhur nağıl və cizgi filmi qəhrəmanları, sehrbazlar metropolitenin azyaşlı sərnişinlərini əyləndirəcək, onları müxtəlif hədiyyələrlə sevindirəcəklər.
Dekabrın 31-i və yanvarın 1-də “İçərişəhər” və “28 May” stansiyalarında Azərbaycan Milli Konservatoriyası və Bakı Musiqi Akademiyasının peşəkar məzunlarından ibarət simli kvartet tərəfindən canlı musiqi təqdim olunacaq.
“Bundan başqa, bəzədilmiş şam ağacları metropolitenin “İçərişəhər”, “28 May”, “Koroğlu”, “Elmlər Akademiyası”, “Avtovağzal” və “Memar Əcəmi” stansiyalarının vestibüllərində quraşdırılıb”, - "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.
[URIS id=21821]
