Bu gün, 20 yanvar tarixində Bakı Metropoliteni 32 il əvvəl şəhid olanların xatirəsini yad edib. Bu haqda qurumun mətbuat xidməti məlumat verib.
“20 Yanvar” eyniadlı stansiyanın platforması qərənfil çələngləri ilə hörülüb. Stansiyanın platformasında fəxri qarovul dəstəsi düzülüb.
Saat 12:00-da bütün ölkə ərazisində, eləcə də metro stansiyalarda qatarların davamlı fitinin sədaları altında anım dəqiqəsi keçirilib.
Bakı Metropoliteni 1990-cı il yanvarın 19-dan 20-nə keçən gecənin şahidi olmaqla yanaşı, müxtəlif istiqamətlərdə güllələnmiş insanların sığınacağına çevrilmiş, yaralıların xəstəxanalara çatdırılmasında əvəzsiz rol oynamışdır. Həmin döyüşlərdə iki metro işçisi - Nərimanov elektrik deposunun mexaniki İlqar Qarayev və metro inşaatçısı Əflatun Kazımov şəhid olub.
[caption id="attachment_30361" align="alignnone" width="896"] Foto Bakı Metropoliteninin rəsmi saytı[/caption]
