Bakı Milli Geyim Evi media nümayəndələri və geniş ictimaiyyət üçün hesabat verib. Bu haqda Azərtac 19 fevral tarixində xəbər verib.
14 ildir fəaliyyət göstərən geyim evinin rəhbəri Könül Vəlibəyli bildirib ki, istər ölkə daxilində, istərsə də ölkə xaricində bir neçə dəfə Mədəniyyət Nazirliyi və Heydər Əliyev Fondunun təşkilatçılığı ilə müxtəlif dövlət tədbirləri, eləcə də, rəqs və mahnı ansambllarımız, teatrlarımız üçün milli geyimlər hazırlanıb.
O əlavə edib ki, yarandığı ilk gündən etibarən Bakı Milli Geyim Evinin kolleksiyasında önəmli yer tutan geyimlərdən biri də Şuşa-Qarabağ geyimləridir. Kollektiv 2020-ci ildə 44 günlük Vətən müharibəsi nəticəsində qazanılmış böyük Zəfərimizə, eləcə də 2022-ci il “Şuşa İli”nə ithaf olaraq Qarabağ və Şuşanın yeni geyimlərini, araqçınlarını hazırlayırlar.
Sonda rəhbər jurnalistləri maraqlandıran sualları cavablandırıb.
