Sakinlər Bakı küçələrində kiçik tutumlu zibil qutularının azlığından şikayət edir. Yol gedərkən, və ya parklarda istirahət zamanı istifadə edilən qidaların qablaşdırıldığı boş qutu və ya kağız parçalarını atmaq üçün bəzən tullantı qabı tapmaq olmur. Bu haqda ATV reportaj hazırlayıb.
Sakinlər iddia edirlər ki, Şəfaət Mehdiyev küçəsində kiçik tutumlu tullantı qabına, hətta dayanacaqda rast gəlmək mümkün deyil. Nəticədə onlar zibili ya yerə atırlar, ya da zibil qutusu tapana qədər əllərində saxlayırlar.
Zibil qabı olmadığı hallarda vətəndaşlar zibilləri yərə atırlar. Nəticədə təmizlik işçiləri həmin zibili yığışdırmalı olurlar. Xüsusilə pandemiyanın mövcüd olduğu indiki dövrdə yol kənarlarında, ictimai yerlərin girişlərində atılmış tibbi maskalara, istifadə olunmuş birdəfəlik dəsmallara da rast gəlinir.
Aparılan sorğuya əsasən, vətəndaşlar birmənalı şəkildə hesab edir ki, küçə və parklarımızın çirklənməsində əsas səbəblərdən biri zibil qutularının az olmasıdır.
Yasamal rayon mənzil kommunal təsərrüfatı birliyinin rəisi Ədalət Bağırov həmin məsələ ilə bağlı açıqlama verərək bildirib ki, tullantı qutuları insanların sıx olduğu yerlərə qoyulur.
