Dekabrın ilk günlərindən paytaxtın bir çox konsert zalları və əyləncə mərkəzləri “Yeni ilə” hazırlaşır. Keçiriləcək tədbirlərdə hər yaşdan olan uşaqlar iştirak edə biləcəklər.
Dekabrın 10-dan yanvarın 15-dək hər gün saat 10:00-dan 22:00-a kimi Şaxta babanın evinə səyahət etmək şansınız olacaq. Əyləncə proqramında Şaxta babaya məktubunuzu verə biləcəksiniz. Günlərdən və proqramlardan aslı olaraq bilet qiymətləri 17 manatdan başlayır. Biletləri əldə etmək üçün +994 51 725 80 40 nömrəsilə əlaqə saxlaya bilərsiniz.
[caption id="attachment_19228" align="aligncenter" width="300"]
Envato[/caption]
18-19 dekabrda Heydər Əliyev Sarayı balaca tamaşaçıları üçün şou proqram təşkil edib. “Moskovskaya yolka” adlanan əyləncə proqramı rus dilində “Eksperiment” Moskva Musiqi Teatrının artistləri tərəfindən keçiriləcək. Bilet qiymətləri 10-50 manat arasında dəyişir.
[caption id="attachment_19227" align="aligncenter" width="300"]
Envato[/caption]
25 dekabr tarixində paytaxtda yeni açılan adı dünya brendlərindən ən öndə olan İnterkontinental-Bakı hotelində həm valideynlər, həm də uşaqlar üçün rəqslər, yarışmalar, fləşmob və digər əyləncələr dolu “New Year Party for kids” şou təşkil olunacaq. Bir nəfər üçün biletin qiyməti 65 manat təşkil edir. Vaksin pasportu olmayan valideyinlər 4 yaşdan yuxarı olan uşaqları dayələrə etibar edə bilər.
[caption id="attachment_19224" align="aligncenter" width="300"] Envato[/caption]
Bayram ərəfəsində uşaqlarınızla əylənə biləcəyiniz digər məkan Dəniz mall-da yerləşən “Kinderland” Uşaq Əyləncə Mərkəzidir. 28 dekabrda “Kinderland-ə Yeni il səyahəti” adlı tədbir təşkil olunacaq. İştirak etmək üçün biletləri öncədən almağınız məsləhətdir. Uşaqlar üçün 70, böyüklər üçün 30 manata olan biletləri əldə edərək Şaxta Baba və elflərlə görüş və müsabiqələrdə iştirak şansı qazanacaqsınız. Bundan əlavə iştirakçılara 2 növ kombo menyu seçimi təqdim olunacaq.
[caption id="attachment_19225" align="aligncenter" width="300"]
Envato[/caption]
25-31 dekabr tarixlərində Bakıda “Cırtdan:Böyük Macəra” adlı əyləncəli proqram keçiriləcək. Artıq adət-ənənəyə çevrilmiş “Cırtdan” tamaşası bu il də Bakı Konqres Mərkəzində baş tutacaq. Biletlərin qiyməti 6-36 manat arası dəyişir.
3 yaşınadək uşaqlara valideyn müşayəti ilə (valideyn üçün bilet zəruridir), əlavə yer tutmamaq şərti ilə giriş pulsuzdur.
Tədbirlər pandemiya qaydalarına uyğun keçiriləcək.
