Balaxanı qəsəbəsi Sabit Rəhman küçəsində sakinlər təbii qazsız qalıblar. Bu haqda bu gün, 4 noyabr tarixində Real TV məlumat yayıb.
Ətraf bütün küçələrə qaz verilsə də, qeyd olunan ünvanda 20-ə yaxın ailə evlərini odunla qızdırırlar.
Azəriqaz məsələylə bağlı araşdırma aparıldığını bildirib.
İctimaiyyətlə Əlaqələr şöbəsinin müdiri Eldəniz Vəliyev əlavə edib ki, əgər küçə mədənlərin və ya digər qurumların ərazisinə düşürsə, qazlaşma mümkün olmayacaq. Belə bir hal olmasa, tez bir zamanda ünvan təbii qazla təmin olunacaq.
