4 noyabr tarixində Bakıda karyera səfəri təşkil olunacaq. Tədbir Azərbaycan Gənclər Fondunun dəstəyi və Azərbaycan Tələbə Gənclər Təşkilatları İttifaqının təşkilatçılığı ilə saat 11:00-da baş tutacaq.
“Tea Talks” proqramı çərçivəsində təşkil olunan bu dəfəki səfər Unibanka olacaq.
Səfər zamanı tələbələr bankın rəhbərliyi və əməkdaşları ilə tanış olaraq onların təklif etdiyi imkanlardan xəbərdar olacaq. Bununla yanaşı karyerasını bank sahəsi üzrə qurmaq istəyən tələbələr öz suallarını birbaşa məsul şəxslərə ünvanlaya biləcəklər.
Çay fasiləsindən sonra isə gənclər müxtəlif şöbələri gəzərək oradakı iş prosesi ilə yaxından tanış olacaqlar. Sonda iştirak edən tələbələrə Unibank tərəfindən müxtəlif hədiyyələr təqdim olunacaqdır.
Tədbir gələcək karyerasını bank sahəsində qurmaq istəyən, Maliyyə, Mühasibat uçotu, İqtisadiyyat, Biznesin idarə edilməsi, Menecment və ya əlaqəli ixtisaslar üzrə təhsil alan 2 və ya 3-cü kurs tələbələri müraciət edə bilərlər.
İştirak etmək üçün qeydiyyatdan keçmək mütləqdir.
