Paytaxtın Binəqədi rayonu, Azadlıq prospekti 189 ünvanında yerləşən yerüstü piyada keçidi vətəndaşlara çətinlik yaradır. Bu haqda bu gün, 5 yanvar tarixində İctimai TV məlumat yayıb.
Keçidə qalxıb düşmək yalnız eskalatorla mümkündür. Sakinlərin sözlərinə görə isə son 1 ildə qurğu ümumiyyətlə işləmir. Pillələrin hündür olması isə, keçidə qalxanda, vətəndaşlar üçün çətinlik yaradır.
“Yaxınlıqda qadın məsləhətxanası var, dəfələrlə olub ki, hamilə qadınlar əziyyət çəkirlər, uşaqlı qadınlar var ki, düşə bilmirlər,” - deyə vətəndaşlar şikayət edir.
Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli məsələdən xəbərdar olduqlarını bildirib, artıq eskalatorun ehtiyat hissələrini xaricdən sifariş verdiklərini qeyd edib.
