Noyabrın 6-sı Binəqədi Gənclər Evində Vətən müharibəsində iştirak etmiş qazi ilə görüş keçiriləcək. Bu haqda 3 noyabr tarixində Binəqədi Gənclər Evinin facebook səhifəsində məlumat verilib.
“Zəfər həftəsi” layihə çərçivəsində saat 12:00-da Binəqədi Gənclər Evində qazi Pərvin İmanov ilə görüş təşkil olunacaq. Tədbir zamanı qazi müharibə zamanı keçdiyi döyüş yolundan danışacaq. Görüşdə iştirak etmək istəyənlər linkə daxil olub, postun altında “+” işarəsi qoymalıdırlar.
Pərvin İmanov, Kəlbəcər, Murovdağ silsiləsinin fəthi, Füzuli, Cəbrayıl, Xocavənd, Hadrut, Horadiz istiqamətlərində döyüşüb. O, "Bayraq ordeni", "Şücaət", "Füzulinin azad olunmasına görə”, “Cəbrayılın azad olunmasına görə", "Kəlbəcərin azad olunmasına görə", "Xocavəndin azad olunmasına görə" medalları ilə təltif edilib.
