Bakının Binəqədi rayonu, Biləcəri qəsəbəsi, Asəf Zeynallı küçəsi boyunca yerləşən 29, 31 və 33 saylı evlərdə yaşayan 150 ailə 5 gündür su problemi yaşayır. Bu haqda bu gün, 22 avqust tarixində Bakuplus.az Xəzər Xəbər-ə istinadən məlumat verir.
Sakinlərin sözlərinə görə, evlərdə köhnə su boruları olub. Lakin bir müddət əvvəl su boruları yenilənib, yeni sayğaclar quraşdırılıb. Problem bundan sonra yaranıb.
Sakinlər deyirlər ki, mövcud vəziyyətə görə suyu maşınlarla almağa məcbur qalıblar.
Məsələ ilə bağlı Binəqədi rayon Su Təsərrüfatı və Kanallar İdarəsindən bildirilib ki, əvvəllər rayon ərazisində fərdi su xətləri olub və qurum tərəfindən onların hamısı ləğv edilərək vahid su şəbəkəsi yaradılıb. Hazırda Biləcəri qəsəbəsi ərazisində su təchizatı şəbəkələri yeniləndiyindən həmin evlərə qrafikə uyğun olaraq gündə iki dəfə su verilir. Yenidənqurma işləri başa çatdıqdan sonra binalara fasiləsiz su verilişi bərpa olunacaq.
[caption id="attachment_61234" align="alignnone" width="800"]
Foto Xəzər Xəbərin rəsmi Youtube kanalı[/caption]
