Paytaxtın Binəqədi rayonu, Ağa Sadiq Gəraybəyli küçəsindəki binada elektrik naqilləri təhlükə saçır. Bu haqda bu gün, 12 may tarixində Bakuplus.az ATV-yə istinadən xəbər verir.
Sözügedən ünvanda yerləşən məcburi köçkünlərin yaşadığı 3 saylı yataqxanada elektrik naqilləri açıq və baxımsız vəziyyətdədir.
Sakinlərin sözlərinə görə, demək olar hər gün binada qısaqapanma səbəbindən yanğın olur. Onlar uşaqlarını bloka buraxmağa belə qorxurlar.
Qaçqınların və Məcburi Köçkünlərin İşləri Üzrə Dövlət Komitəsinin mətbuat katibi məsələdən xəbərdar olduqlarını və kabellərin dəyişdirilməsi üçün tender elan edəcəklərini bildirib. Daha sonra yenidənqurma işlərinə başlanılacaq.
[caption id="attachment_44058" align="alignnone" width="800"] Foto Atv-nin rəsmi Youtube kanalı[/caption]
