Paytaxtın Məmməd Əmin Rəsulzadə qəsəbəsi, Binəqədi şosesi 303, 305 və 307 ünvanlarında inşa olunan yeni yaşayış binalarının sakinləri narazılıqlarını bildirirlər. Bu haqda bu gün, 17 mart tarixində Bakuplus.az Real TV-yə istinadən xəbər verir.
Onlar ilk öncə binalara gələn çirkli sudan narazıdırlar. İkinci problem isə ərazidə parklanma və istirahət yerlərinin olmamasıdır.
“Təcili Yardım çağıranda məhləyə girə bilmir, xəstəni yolun qırağına qədər özümüz aparmalı oluruq. Yanğın olsa FHN-nin əməkdaşları da əraziyə girə bilməyəcək”, - deyə sakinlərdən biri bildirir.
Bundan əlavə, məhəllədə istirahət üçün heç bir infrastruktur yoxdur. Şikayətlərdən sonra yaradılan uşaq meydançası da tələbata cavab vermir.
Məsələ ilə bağlı Binəqədi rayon İcra Hakimiyyətindən bildirdilər ki, layihədə olan 7 binadan 3-ü tikilib. Digər 4 binanın inşasına yaxın zamanda başlanılacaq. Həmin zaman ərazidəki bütün problemlər aradan qaldırılacaq.
[caption id="attachment_37426" align="alignnone" width="800"] Foto RealTV[/caption]
