Xəzər rayonunda sakinlər qəzalı vəziyyətdə olan elektrik dirəyinə görə narahatdırlar. Bu haqda 18 yanvar tarixində Bakuplus.az-a məlumat daxil olub.
Sakinlərin sözlərinə görə, Binə qəsəbəsi, Rövşən Səfərov küçəsində illər öncə quraşdırılan bu işıq dirəyi taxtadandır və artıq çürüyüb. Onun yenilənməyə ehtiyacı var.
Bundan əlavə dirəyin əyilməsi sakinləri narahat edir. Onlar qəzalı vəziyyətdə olan işıq dirəyinin evin hasarına yaxın olduğunu, dirəyin aşmasından və kiminsə bundan xəsarət almasından qorxduqlarını deyirlər.
Binə sakinləri istəyirlər ki, taxta dirək dəmir dirəklə əvəz olunsun.
[caption id="attachment_30098" align="alignnone" width="800"] Foto Bakuplus.az[/caption]
