Bakıda daha bir yol təmir-bərpa işlərindən sonra istifadəyə verilib. Bu haqda Xəzər Rayon İcra Hakimiyyətinin mətbuat xidməti 3 noyabr tarixində xəbər verib.
Ümumilikdə 650 nəfərədək əhalinin yaşadığı, uzunluğu 2,2 km olan Binə qəsəbəsi Əli İsazadə küçəsi, döngə 4, Məhəmməd Füzuli küçəsi və yolətrafı infrastruktur yenidən qurularaq cari ilin oktyabr ayında istifadəyə verilib.
Əsas və məhəllə yollarına, həmçinin, yaşayış evlərinin qarşısına 17145 kv metr asfalt vurulub. Bundan əlavə, qeyd olunan ünvanda sakinlərin rahat və təhlükəsiz hərəkətini təmin etmək məqsədilə uzunluğu 2000 metr olan piyada səkiləri tikilib. Əlavə olaraq yağış sularının kənarlaşdırılması məqsədilə uzunluğu 2100 metr olan boru çəkilərək, 55 yağış barmaqlığı quraşdırılıb və 450 kub metr həcmdə 3 beton rezervuar qoyulub.
Təmir işləri Xəzər Rayon İcra Hakimiyyətinin təşəbbüsü və NEQSOL Holding-in maliyyə dəstəyi ilə həyata keçirilmişdir.
[caption id="attachment_12683" align="alignnone" width="896"]
Foto Xəzər Rayon İcra Hakimiyyətinin rəsmi saytı[/caption]
