Bu gün, 24 fevral tarixində British Petroleum (BP) təhsil proseslərinə dəstək məqsədilə Azərbaycan Memarlıq və İnşaat Universitetinə (AzMİU) üç ən müasir laboratoriya hədiyyə edib. Bu barədə BP-Azerbaijan məlumat verib.
O cümlədən Mühəndislik Sistemləri və Qurğularının tikintisi fakültəsinin nəzdində fəaliyyət göstərəcək elektronika, enerji səmərəliliyi və bərpa olunan enerji mənbələri üzrə tam təchiz olunmuş laboratoriyalar və “ağıllı ev” istifadəyə verilib.
Layihənin ümumi dəyəri 294.600 manat təşkil edir və bu məbləğə layihəyə bütün zəruri avadanlıqların, texniki vasitələrin və proqram təminatının alınması və quraşdırılması, həmçinin bir sıra dərsliklərin nəşri daxildir.
