Bu gün, noyabrın 22-də Xətai rayonunda 7 saylı Təcili Tibbi Yardım stansiyasının sürücüsü Yaqubov Fəxrəddin Yaqub oğlunun anım günü qeyd olunub. Dədə Qorqud Şəhidliyində şəhidin məzarı ziyarət edilib, S.Ə.Şirvani küçəsi 10 ünvanında xatirə lövhəsinin açılışı olub.
Mərasimdə Xətai Rayon İcra Hakimiyyətinin başçısı Rafiq Quluyev, xalq artisti və şəhidin atası Əli Nur, əməkdar artist Azad Şükürov, döyüş yoldaşları, ailə üzvləri və ictimaiyyət nümayəndələri iştirak ediblər.
Fəxrəddin Yaqubov 9 iyul 1962 ildə Qubadlı rayonunun Yusifbəyli kəndində anadan olub. Ailəli idi, bir oğlu və bir qız yadigar qalıb. O, 15 ildən çox Xətai rayonu 7 saylı Təcili Tibbi Yardım Stansiyasında sürücüsü kimi çalışırdı. Pandemiya vaxtı koronavirus xəstələri xəstəxanaya çatdılırmışdır.
Sentyabrın 28-də könüllü olaraq Vətən müharibəsində təcili tibbi yardımda çalışmağa başlamışdır. Noyabrın 22-də Laçın rayonu ərazisində Ermənistan ordusunun nəzarətində olan əraziyə düşərək azmışdır. Fəxrəddin Yaqubov erməni hərbçilər tərəfindən əsir götürülərək öldürülmüşdür. Yaqubovun nəşi noyabrın 30-da Azərbaycan tərəfinə təhvil verilmişdir, və Xətai rayonunda dəfn olunmuşdur.
[URIS id=15210]
