Bakıda sehrlərlə dolu bir gün yaşamaq istəyənlər üçün şad xəbərimiz var. 25 dekabr tarixində Rəşid Behbudov adına Mahnı Teatrında “Möcüzələr zamanı” adlı şou proqram keçiriləcək.
Proqramın təşkilatçısı və aparıcısı Rusiya İllüziyaçılar Birliyi və Dünya Sehrbazlar Birliyinin üzvü orijinal janr artisti Anar Əliyev olacaq. Həmin gün səhnədə baş verənlərin şahidi olmaqdan əlavə, sehrli nömrələrdə iştirak etməklə özünüzü möcüzələr diyarında hiss etmək şansınız olacaq.
Ailənin bütün üzvləri üçün nəzərdə tutulan şou proqramda dünyanın məşhur sehrbazlarının yerinə yetirdiyi illüziya nömrələri nümayiş olunacaq.
Əyləncəli proqramda, həmçinin xüsusi dəvət olunmuş orijinal janr artistləri də iştirak edəcək.
Biletləri şəhərin bütün kassalarından və ya onlayn əldə edə bilərsiniz.
