Dekabrın 17-dən 29-dək Milli Azərbaycan Tarixi Muzeyində Vəkil Gününə həsr olunmuş sərgi keçiriləcək. Bu haqda bu gün, 15 dekabr tarixində Azərbaycan Respublikasının Vəkillər Kollegiyası məlumat verib.
Tədbirə dünyanın 60-dan çox ölkəsindən vəkillərin paltarları gətirilib. Məlumatda qeyd edilir ki, sərgi dünyada ilk dəfə keçirilir.
Sərgidə Kamandar Nasibov və partnyorları VB-nun vəkil cübbələri kolleksiyası və məhkəmə-hüquq sahəsinə aid olan digər qiymətli eksponatlar sərgilənəcək.
Səgi Azərbaycan Respublikasının Vəkillər Kollegiyası təşəbbüsü ilə Azərbaycan Respublikası Mədəniyyət Nazirliyinin təşkilati dəstəyi ilə keçirilir. Sərgiyə giriş pulsuzdur.
Prezident İlham Əliyevin 2019-cu ildə imzaladığı sərəncama əsasən, Azərbaycanda “Vəkil Günü” peşə bayramı təsis edilib. Hər il dekabrın 28-i ölkədə “Vəkil Günü” kimi qeyd olunur.
