Dövlət Teatr Muzeyində uşaqlar üçün ustad dərsi keçirilib. Bu haqda 12 mart tarixində Muzeyin Facebook səhifəsində məlumat verilib.
Cəfər Cabbarlı adına Azərbaycan Dövlət Teatr Muzeyində martın 12-də uşaqlar üçün “Gəl, gəl, a yaz günləri!” adlı ustad dərsi təşkil olunub. Muzeyə gələn uşaqlar ekspozisiyalarla tanış olublar, onlara Novruz bayramının mənşəyi, tarixi və ustad dərsinin mahiyyəti barədə qısa məlumat verilib.
Daha sonra balacalar Novruz xonçası üçün rəngbərəng və naxışlı yumurtalar boyayıblar, Azərbaycan xalq rəqslərindən bəzi elementlər öyrəniblər. Həmçinin dərs zamanı “yumurta döyüşü”, “kasa oyunu”, tapmacalar, yanıltmaclar və s. kimi əyləncəli və maarifləndirici oyunlar keçirilib.
Sonda uşaqlara hədiyyələr verilib və onlarla xatirə şəkli çəkilib.
[URIS id=36656]
