8 noyabr tarixində paytaxtda və bütün ölkə ərazisində Zəfər günü münasibətilə silsilə tədbirləri keçirilmişdir. Həmin gün cəmiyyətin bayram əhval-ruhiyyəsi və sevinci ilə yanaşı, bir neçə xoşagəlməz hadisələr də baş verib.
Hərbi geyimdə olan avtomobil sürücüləri yürüş ərazisinə nəqliyyat vasitələrinin keçməsinə qoyulan qadağanı pozaraq avtomobillərin toqquşmasına səbəb olublar. Onların bəziləri həqiqətən də İkinci Qarabağ müharibəsi zamanı döyüşüb, lakin sürücülərdən bir neçəsi nəinki döyüşdə, ümumiyyətlə, hərbi xidmətdə olmayıb.
Sosial şəbəkələrdə avtomobil üçün nəzərdə tutulmayan yerdən öz nəqliyyat vasitəsini çıxarmaqdan imtina edən qazinin DYP polkovniki ilə münaqişənin videosu yayılıb. Bütün baş verən hadisələrlə bağlı Bakı şəhər yol polisi əhaliyə xəbərdarlıq edib.
DYP-nin İctimai qurumlarla əlaqə şöbəsinin rəisi, Namidan Piriyev açıqlamada qeyd edib ki, “Yol hərəkəti haqqında” qanunun tələblərini kobud şəkildə pozan sürücülər saxlanılan zaman “mən qaziyəm” deyə cavab verir və özlərinə haqq qazandırmağa çalışırlar.
“Müharibənin bütün iştirakçılarının hörmət və şərəfinə baxmayaraq, qanun hamı üçün qanundur. Qaydaları pozanlar həm özləri, həm də ətrafdakılar üçün təhlükə yaradır. Onların hamısı statusundan asılı olmayaraq cəzalandırılacaq”, - Piriyev əlavə edib.
