Abşeron rayonunun Digah qəsəbəsində şagird və valideynlər məktəbə istiliyin verilməməsi barədə narazılıqlarını bildiriblər. Bu haqda Azərbaycan Televiziyası reportaj hazırlayıb.
Valideynlərin sözlərinə görə çəkiliş qrupu gəldiyinə görə kimsə istilik verilməsini artırıb. Şagirdlər siniflərdə gödəkcə ilə oturduqlarını, üşüdüklərini və şəraitin olmadığını qeyd ediblər.
İstilikdən əlavə pandemiya ilə mübarizə dövründə 15-20 kv.m-lik otaqlarda 30 və daha artıq şagirdin təhsil alması məlum olub.
Səxavət Məmmədov adına Digah qəsəbə tam orta məktəbində sanitar qovşaq belə məktəbin girəcəyindən 100 metr məsafədə yerləşir.
Yaranmış vəziyyətlə bağlı Təhsil Nazirliyinin sektor müdiri, Cəsarət Valehov məktəbdəki bu halın yaxın günlərdə aradan qaldırılması üçün bütün imkanların səfərbər ediləcəyini qeyd edib.
Təhsil eksperti Kamran Əsədovun sözlərinə görə isə hazırda, ölkə məktəblərinin 92 faizinə istilik verilib.
