Bakıda yerləşən xəstəxanaların birində həkimlər pasiyentlərin yanında xoşagəlməz ifadələr işlədiblər. Bu haqda 14 fevral tarixində Oxu.az məlumat verib.
Elmi-Tədqiqat Ağciyər Xəstəlikləri İnstitutunun həkimləri Ağca Abbasova və Fizuli Əliyev xəstələrin yanında bir-birinin ünvanına təhqiredici sözlər deyiblər. Fizuli Əliyev hadisəni videoya çəkib və xəstələrin yanında həkimin onu təhqir etməsinə etirazını bildirib.
Abbasova iddia edib ki, Əliyev xəstəyə tibbi yardım göstərərkən səhv müdaxilə edib və onu öldürüb. Həmçinin o bildirib ki, şöbə müdiri pasientinə intim münasibətdə olmaq barədə təklif edib.
Elmi-Tədqiqat Ağciyər Xəstəlikləri İnstitutu artıq yayılan videogörüntü ilə bağlı araşdırmaya başlayıb.
