Bakıda vətəndaşı şantaj edən baxıcı saxlanılıb. Bu haqda 18 yanvar tarixində Report məlumat verib.
Səbail rayonunda 2021-ci il sentyabrın 19-da falçılıqla məşğul olan baxıcı paytaxt sakininə qarşı dələduzluq edib. Baxıcı onu aldadaraq hesabına 1700 manat pul ödətdirib. Aldadıldığını başa düşən sakin pulları geri istədikdə, baxıcı onu, ailə şəkillərini sosial şəbəkədə yayacağı ilə hədələyib, puldan imtina etməsini tələb edib.
Polis əməkdaşlarının keçirdikləri əməliyyat-axtarış tədbirləri nəticəsində falçı, paytaxt sakini L.Məmmədova saxlanılıb. Faktla bağlı Cinayət Məcəlləsinin “Dələduzluq” və “Hədə-qorxu ilə tələb etmə” maddələri ilə cinayət işi başlanılıb.
Araşdırma davam edir.
