Bakının mərkəzində bir sıra küçələrdə təmir-bərpa işləri aparılacaq. Bu haqda bu gün, 18 fevral tarixində Bakuplus.az Azəravtoyola istinadən xəbər verir.
Aşağıda qeyd olunan ərazilərdə üfüqi nişanlanma xətlərinin rənglənməsi işləri aparılacaq:
- 18 fevral saat 22:00-dan etibarən 19 fevral səhər saatlarınadək Neftçilər prospektinin Rixard Zorge və Yusif Səfərov küçələri arasında yerləşən hissəsi, eləcə də Yusif Səfərov küçəsinin hər iki istiqaməti;
- 19 fevral səhər saat 10:00-dan axşam saat 17:00-ə qədər, daha sonra həmin gün axşam saat 22:00-dan 20 fevral səhər saat 05:00-a qədər Xocalı prospektinin hər iki istiqaməti üzrə;
- 20 fevral tarixində gün ərzində Neftçilər prospektinin Kövkəb Səfərəliyeva və Yusif Səfərov küçələri arasında yerləşən hissəsi və Xocalı prospektində.
Bununla əlaqədar sürücülərdən həmin ərazilərdən keçən zaman diqqətli olmaları xahiş olunur.
Qurum yarana biləcək müvəqqəti narahatlığa görə üzr istəyib.
