11, 12 və 13 fevral tarixlərində Bakıda Əfsanəvi The Beatles qrupunun konserti nümayiş olunacaq. Bu haqda BakuPlus.az xəbər verir.
“Liverpul dördlüyü” ilk olaraq Azərbaycanda yeganə IMAX kinoteatrının ekranlarında görünəcək.
Qrupun 1969-cu il yanvarın 30-da Londonun Savile Row damında verdiyi son konserti üç gün ərzində yalnız Park Cinema Flame Towers-də nümayiş etdiriləcək.
Con Lennon, Pol Makkartni, Corc Harrison və Rinqo Starr bu konsertin sonuncu olacağını heç planlaşdırmırdılar. Buna baxmayaraq, damdakı konsert böyük uğurla keçdi - demək olar ki, bütün yerli sakinlər (çoxu nahar fasiləsində idi) həmin gün Beatles-i dinləməyə çıxdılar.
Konsertin albom versiyası yalnız bu ilin yanvar ayının sonunda işıq üzü görüb.
Konsertin kino versiyasını rejissor Peter Jackson (Üzüklərin Hökmdarı, Hobbit, Kinq Konq) idarə etmişdir.
Biletləri Park Cinema-nın kassalarından və onlayn əldə etmək olar.
