Paytaxtın Yasamal rayonu, İnşaatçılar prospektində qazanxananın düz yanında yerləşən binalara istilik verilmir. Bu haqda bu gün, 11 yanvar tarixində Bakuplus.az ATV-yə istinadən xəbər verir.
İnşaatçılar prospekti, 40, 42 saylı binaların həyətində qazanxana fəaliyyət göstərir, ancaq 90-cı illərdə binalardakı zirzəmilər özəlləşdirildikdən sonra mənzillərə gedən istilik xətləri kəsilib. Buna görə də sakinlər elektrik cihazlarından istifadə etməyə məcbur olurlar. Bu da onların cibinə ciddi təsir edir.
“Hamımız razıyıq. Təki bura istilik çəkilsin, ancaq heç kim məsələ ilə məşğul olmur”, - deyə sakinlər bildirirlər.
“Azəristiliktəchizat”dan məsələ ilə bağlı bildirilib ki, quruma müraciət ediləndən sonra araşdırmaya başlamaq olacaq.
