Müsabiqənin məqsədi elmi tədqiqat işinə meyli olan istedadlı şagirdlərin aşkar edilməsidir
"Sabahın alimləri” XI respublika müsabiqəsi keçiriləcək. Bu haqda 5 fevral tarixində Bakı Şəhəri Üzrə Təhsil İdarəsi məlumat verib.
IX-XI siniflər arasında 14-21 fevral tarixlərində onlayn şəkildə “Sabahın alimləri” XI respublika müsabiqəsi keçiriləcək. Müsabiqədə iştirak üçün 319 layihə qeydiyyatdan keçib, onlardan 192 layihə və 326 şagird müsabiqəyə buraxılıb.
Qalib olan layihələr içərisindən seçilmişlər ABŞ-da keçiriləcək ISEF (Beynəlxalq Elm və Mühəndislik Sərgisi) müsabiqəsində ölkəmizi təmsil edəcəklər.
Müsabiqə 8 istiqamət (riyaziyyat, fizika və astronomiya, kimya, biologiya, tibb və sağlamlıq, ekologiya və ətraf mühitin idarə olunması, mühəndislik, kompüter elmləri) üzrə həyata keçirilir.
