Bakıda Xəzər rayonu Binə qəsəbəsində sakinlər uzun müddətdir kanalizasiyanın olmamasından əziyyət çəkirlər. Bu haqda ATV Xəbər reportaj hazırlayıb.
Qəsəbə sakinləri öz vəsaitləri hesabına müəyyən qədər bərpa etdikləri yolu ərazidən keçən iri tonnajlı yük maşınları dağıdır.
Kanalizasiyanın olmaması səbəbindən evlərin zirzəmiləri su ilə dolur, yolların keçilməz hala düşməsinə gətirib çıxarır. Sakinlərin sözlərinə əsasən, oktyabrdan aprel ayınacan bu həyətlər su ilə dolur.
“Azərsu” ASC bildirib ki, əraziyə kanalizasiyanın çəkilməsi baş planda nəzərdə tutulub. İnvestisiyanın ayrılması ilə işlərə start veriləcək.
