London taksiləri adlandırılan nəqliyyat vasitələri qarajlarda toz içində qalıb. Bu haqda 14 may tarixində Bakuplus.az ATV-yə istinadən xəbər verir.
2011-ci ildə Bakıya London taksiləri gətirilmişdir və əhaliyə göstərilən taksi xidmətinin səviyyəsinin yüksələcəyi gözlənilirdi. Lakin cəmi 10 il öncə gətirilən London taksiləri paytaxtın bəzəyi deyil, lazımsız əşya kimi kənara atılıb.
“Keyfiyyətli xidmət göstərdiyimizə görə bazarla ayaqlaşa bilmirik. Ucuz xidmət göstərə bilmədiyimiz üçün də belə çətinlik yaranıb. Dövlət tərəfindən dəstək olsa, bu taksilərin fəaliyyətini yenidən bərpa etmək olar. Hava limanında turistlərin 99%-i London taksisindən istifadə etmək istəyir, çünki həm təhlükəsizdir, həm də gələn qonaq hər hansı bir əşyasını itirəndə hara müraciət edəcəyini bilir”, - London taksi qarajının istismar şöbəsinin müdiri Hüseyn Kərimov deyib.
Bakı taksi xidmətinin direktoru Fuad Əliyev isə sıradan çıxan London taksilərinə onların cavabdeh olmadığını bildirib.
“O zaman alınan 1000 ədəd avtomobildən 662-si “Bakı Taksi Xidməti” MMC-yə aqrar kredit tərəfindən təslim edilmişdir. Hal-hazırda həmin taksilər “Bakı Taksi Xidməti” MMC-nin ərazisindədir. Nazirliyin yeni proqramı əsasında hal hazırda həmin Londontaksiləri təmir olunaraq istismara bıraxılmaqdadır”, - deyə Əliyev əlavə edib.
[caption id="attachment_44462" align="alignnone" width="800"]
Scrin ATV youtube[/caption]
