Bakıdan olan tanınmış jurnalist Məzahir Süleymanzadə vəfat edib. Bu haqda bu gün, 11 may tarixində Bakuplus.az Tahir Süleymanovun rəsmi Facebook səhifəsinə istinadən xəbər verir.
Əməkdar mədəniyyət işçisi 70 yaşında şəkərli diabetdən dünyasını dəyişib.
Məzahir Süleymanzadə "Leninskoe znamya", "Krasnaya zvezda", "İdman" - "Sport" və "Kommunist" qəzetlərində, "Sovetskiy voin" jurnalında çalışıb, "Səhər" qəzetini təsis edib.
O, "Neftçi" və AFFA-da mətbuat katibi, Bakı Futbol Federasiyasında prezident və vitse-prezident vəzifələrində çalışıb.
Bundan əlavə, jurnalist "Qızıl qələm", "Həsən bəy Zərdabi", "Mirzə Cəlil", həmçinin "Araz" Ali mükafatına layiq görülüb, eləcə də Azərbaycan SSR Ali Sovetinin Fəxri Fərmanı ilə təltif olunub.
