Bu gün, yanvarın 6-da sosial şəbəkələrdə “NAZ Lifan” markalı avtomobilin sürücüsünün nəqliyyat vasitəsinin dövlət nömrə nişanını çıxarması ilə bağlı video yayılıb. O, həmçinin işıqların sayrışan siqnallarından istifadə edərək, yol hərəkəti qaydalarını kobud şəkildə pozub. Daxili İşlər Nazirliyinin nümayəndəsi bu video ilə bağlı açıqlama verib.
Oxu.az-a istinadən Baş Dövlət Yol Polisi İdarəsinin əməkdaşı, polkovnik-leytenant Mübariz Ağayev bildirib ki, vaxtaşırı sürücülər avtomobilin dövlət nömrə nişanını çıxarır. Bu, onların yollarda pozuntularını aradan qaldırmamaq üçün edilir.
“Digər tərəfdən isə, bəzən dövlət tərəfindən imtiyazlı şəxslərə verilmiş nəqliyyat vasitələrinə qanunla qadağan olunmuş örtüklər çəkilmiş, dövlət qeydiyyat nişanı çıxarılmış vəziyyətdə, eləcə də sayrışan işıq cihazlarından istifadə edilməsi hallarına rast gəlinir. Bunlar isə, haqlı olaraq, digər hərəkət iştirakçılarının narazılıqlarına və yersiz mübahisələrə səbəb olur. Odur ki, hər bir sürücü qayda pozuntusunun mahiyyətini düzgün başa düşməli, nəqliyyat vasitəsini qanunların tələbinə riayət etməklə idarə etməli, qanunlara və digər hərəkət iştirakçılarına hörmətlə yanaşmalıdır”, - deyə polkovnik videoya münasibət bildirib.
