Bakıda məktəbdə artıq 2 gündür ki, işıq yanmır. Bu haqda Report 6 yanvar tarixində xəbər verib.
Paytaxtın Yasamal rayonunda yerləşən 167 saylı tam orta məktəbdə iki gündür elektrik enerjisi yoxdur. Valideyn və şagirdlərin sözlərinə əsasən, elektrik enerjisi olmadığına görə, dərslər soyuq sinif otaqlarında keçirilir.
Yaranmış vəziyyətə səbəb kimi məktəbdən bildirilib ki, təhsil ocağının yaxınlığındakı küçədə elektrik xətlərində qəza baş verib. Bundan əlavə qeyd edilib ki, “Azərişıq" ASC bu gün problemi həll etməyə çalışır.
"Məsələnin qısa zamanda həll edilməsi üçün zəruri tədbirlər həyata keçirilir", - Bakı Şəhəri üzrə Təhsil İdarəsi qeyd edib.
