Paytaxt məktəbliləri arasında “Mənim gündəliyim” adlı oxu və yaradıcılıq müsabiqəsinə start verilir. Bu haqda 14 fevral tarixində Bakı Şəhəri üzrə Təhsil İdarəsi məlumat verib.
Müsabiqənin keçirilməsinin əsas məqsədi təhsilalanların mütaliə vərdişlərinin təkmilləşdirilməsi, oxu və yazı bacarıqlarının inkişaf etdirilməsidir. Müsabiqədə Bakı şəhəri ümumi təhsil müəssisələrinin I-VII siniflər və VIII –XI siniflər yaş qrupları üzrə şagirdləri iştirak edəcəklər.
Konkursda 15 şagird qalib adını qazanacaq, onlardan 5 nəfər I-ci yer, 5 nəfər II-ci yer və 5 nəfər III yer tutacaq. Xüsusi fəallığı ilə fərqlənən 10 şagirdə tərifnamə, fəal iştiraka görə 25 şagirdə isə təşəkkürnamə təqdim ediləcək.
Qaliblər BŞTİ tərəfindən diplom və hədiyyələrlə mükafatlandırılacaq.
