Bakıda bəzi ərazilərdə suyun verilişində müvəqqəti məhdudiyyətlər olacaq. Bu haqda BakuPlus “Azərsu” ASC-yə istinadən xəbər verir.
Belə ki, Ceyranbatan - Binəqədi magistral su xəttinin Biləcəri qəsəbəsindən keçən hissəsində qəza baş verib.
Qəzanın aradan qaldırılması ilə əlaqədar 21 yanvar 2022-ci il tarixində Nərimanov rayonunun bir hissəsinə içməli suyun verilməsində fasilə yaranacaq.