Təhsil İnstitutu məktəblərdə tədrislə bağlı olan əsas problemləri sadalayıb. Bakıda bu işi Bakı Şəhəri üzrə Təhsil İdarəsinin Dəstək mərkəzi görəcək. Bu haqda bu gün, 27 yanvar tarixində APA Təhsil Institutunun direktoru Rüfət Əzizova istinadən məlumat verib.
İnstitutun direktoru Rüfət Əzizov bildirib ki, problemləri 3 kateqoriyaya bölmək olar: problemlər məktəbin özündən, onun rəhbərliyindən, müəllimlərin səviyyəsindən yaranır. Resurs çatışmazlığı problemi də var.
Müəllimin bəzi suallara cavab tapa biləcəyi xüsusi portalın yaradılması nəzərdə tutulur. Həmçinin bəzi müəllimlər jurnal doldurmaqla, qeydlər yazmaqla məşğuldurlar. İndi bu suallar müzakirə olunur. Lazım gələrsə, yükü azaltmalı olan böyük sistem həlləri qəbul edilə bilər.
Bakıdakı zəif nəticə göstərən məktəblərdən bəziləri 301 və 227 saylı orta məktəblərdir. Məqsəd Təhsil İnstitutunun dəstəyi ilə məktəbin inkişaf planının yaradılmasıdır. Məktəbin inkişaf planı şagird nailiyyətləri, müəllimlərin inkişafı, ümumi idarəetmə və infrastrukturla bağlı 4 sahədən ibarət olacaq. Məktəbin bir neçə ən yaxşı müəllimi koordinator kimi seçiləcək və qurumla daim əlaqə saxlayacaq.
