Bakıda 41 küçə Azərbaycan Vətən Müharibəsi şəhidlərinin adını daşıyır. Bu baradə Bakı şəhər İcra Hakimiyyətinə istinadən Trend bu gün, 2 dekabr tarixində məlumat verib.
“Azərbaycan Prezidentinin sərəncamı ilə “Vətən Müharibəsi Qəhrəmanı” adına və müxtəlif ordenlərə layiq görülmüş şəhidlərin adı 41 küçəyə verilib,” - qurumda qeyd ediblər.
44 gün davam edən Vətən Müharibəsində 2907 nəfər şəhid olub, 7 nəfər itkin düşüb, 94 nəfər mülki şəxsə Ermənistanın dinc əhaliyə qarşı törətdiyi cinayətlər nəticəsində şəhid statusu verilib.
