44 günlük Vətən Müharibəsi zamanı işğaldan azad edilmiş ərazilərə səfərlər üçün biletlərin satışına başlanılıb. YolumuzQarabaga.az portalı bu gün, 21 yanvar tarixində istifadəyə verilib. Bu haqda Bakuplus məlumat verir.
Yanvarın 24-dən Ağdam və Şuşaya müntəzəm avtobus səfərləri təşkil olunacaq. 18 yaşına çatmış istənilən Azərbaycan vətəndaşı internet saytında qeydiyyatdan keçərək müntəzəm avtobus marşrutlarına bilet ala bilər. 18 yaşına çatmamış vətəndaşların azad edilmiş ərazilərə, hətta valideynlərinin müşayiəti ilə getməsinə icazə verilmir.
İşğal olunmuş ərazilərə avtobuslarla səfər edən hər bir sərnişin fərdi qəza sığortası ilə təmin olunur.
Müəyyən edilən qiymətlər yalnız bir istiqamətədir. Vətəndaşlar gediş-gəliş biletlərini eyni vaxtda almalıdırlar.
Bakıdan Şuşa və Ağdama avtobus biletləri yalnız portal üzərindən satılacaq və hər kəs ildə bir dəfə səfər edə biləcək.
Qarabağa gedən avtobusların cədvəli və qiymətləri ilə buradan tanış ola bilərsiniz.
