Paytaxtın Səbail rayonu, Gülbala Əliyev küçəsində bərbad avtomobil yolları və baxımsız sərnişin avtobusları sakinlərin şikayətinə səbəb olur. Bu haqda bu gün, 25 yanvar tarixində Bakuplus.az AzTV-yə istinadən məlumat verir.
Yol infrastrukturunun təmirsiz olması nəqliyyat vasitələrinə buradan keçən zaman ciddi ziyan vurulmasına səbəb olur.
“Avtobus qırıq salxaqdır, camaat avtobusa yerləşmir. Axşam olanda gəlirik dayanacaqda dayanırıq, ha gözlə avtobus dolacaq camaat gedəcək”, - deyə sakinlərdən biri şikayət edib.
Bakı Nəqliyyat Agentliyinin mətbuat xidmətinin rəhbəri Mais Ağayev bildirib ki, yolların yenidənqurulması üçün müvafiq qurumlara müraciət edilib.
“6 nömrəli müntəzəm marşrut xətti üzrə fəaliyyət göstərən avtobusların texniki baxımından qənaətbəxş olmamasında yenə də birbaşa məhz yol infrastrukturundan asılıdır. Bu kimi ərazilərdə yol infrastrukturu düzəldikdən sonra təbii ki həmin istiqamətlərdə paytaxtımıza gətirilən müasir avtobusların verilməsi mümkündür.” - o, əlavə edib.
Səbail RİH-nin nümayəndəsi məsələdən xəbərdar olduqlarını və artıq təbdirlər gördüklərini qeyd edib.
[caption id="attachment_30825" align="alignnone" width="800"]
Foto AzTV-nin rəsmi Youtube kanalı[/caption]
