Səbail rayonunda həyətdə uşaqların oynaması üçün salınmış uşaq meydançası bərbad vəziyyətdədir. Bu haqda 31 yanvar tarixində Bakuplus.az-a məlumat daxil olub.
Badamdar qəsəbəsi, Neftçilər küçəsində istirahət ocağının ərazisində yelləncəklər yararsız hala düşüblər. Sakinlər bildirirlər ki, yelləncəklərin biri ümumiyyətlə qopub, digərinin isə istifadə müddəti artıq bitib. Bundan əlavə attraksionun oturacağı da pis vəziyyətdədir.
“Uşaqları həyətə buraxa bilmirik. Yelləncək çürüyüb, hər an qırıla bilər, bu isə uşaqlar üçün təhlükəlidir. Aidiyyəti qurumlar bu problemə fikir versinlər. Ya gəlib yığışdırsınlar, ya da yenisi ilə əvəz etsinlər”, - deyə sakin iradını bildirib.
[caption id="attachment_31647" align="alignnone" width="800"] Foto Bakuplus.az[/caption]
