Özünü Vətən müharibəsi iştirakçısı kimi təqdim edərək ictimai qaydanı pozan şəxs həbs edilib. Bu haqda 12 mart tarixində Report məlumat verib.
Səbail DYPŞ-nin əməkdaşları tərəfindən yol hərəkəti qaydasını pozduğu üçün xanım sürücünün idarə etdiyi avtomobilə “saxla” işarəsi verilib. Bu zaman yoldan keçən hərbi geyimli şəxs polis əməkdaşlarına yaxınlaşaraq qadının həyat yoldaşı oluğunu və özünün da qazi olduğunu bildirərək, polis əməkdaşlarının ünvanına nalayiq ifadələr işlədib. Bununla da o, ictimai qaydanı pozaraq, polisin qanuni tələblərinə qəsdən tabesizlik göstərib.
Xansu Quliyev saxlanılıb və araşdırmalar zamanı məlum olub ki, o, ümumiyyətlə Vətən müharibəsi iştirakçısı deyil və heç vaxt da ordu sıralarında xidmət etməyib.
O, İnzibati Xətalar Məcəlləsinin “Polis işçisinin və ya hərbi qulluqçunun qanuni tələbinə qəsdən tabe olmama” maddəsi ilə 15 sutka müddətində inzibati qaydada həbs edilib.
