Bakıda “Sülh quruculuğunda qadınların rolu” mövzusunda seminar təşkil olunacaq. Bu haqda 14 mart tarixində Bakuplus.az Böyük Qayıdış Gənclər İB istinadən məlumat verir.
"Böyük Qayıdış" Gənclər Təşkilatı tərəfindən martın 16-da saat 15:00-da “Sülh quruculuğunda qadınların rolu” mövzusunda seminar keçiriləcək.
Seminarda aşağıdakı mövzulara toxunulacaq:
- Silahlı münaqişələrin qadınlara təsiri;
- Cəmiyyətlərarası dialoqun qurulmasında qadınların rolu;
- Sülh quruculuğunda qadın diplomatiyası;
- Sülh və postmünaqişə bərpa proseslərində qadınların iştirakçılığı.
Seminarda Milli Məclisin deputatı, AŞPA-nın Miqrasiya, Qaçqınlar və Məcburi köçkünlər üzrə komitəsinin üzvü Nigar Arpadarai və Avropa Şurasının Təlimçilər Bazasının üzvü, Qadın, Sülh və Təhlükəsizlik üzrə Məşvərət Şurasının üzvü Pərvanə Məmmədova iştirak edəcəklər.
Seminarda iştirak etmək üçün əvvəlcədən 15 mart saat 18:00-a kimi qeydiyyatdan keçmək lazımdır.
