Cəmiyyətdə mövcud gender stereotiplərini dəyişmək məqsədilə daha bir layihə həyata keçiriləcək. Bu haqda BakuPlus.az bu gün, 22 avqust tarixində xəbər verir.
Sosial Hüquqlar Mərkəzi və Gender Hub Azərbaycan sosial platformasının birgə təşkil etdikləri “Bərabər və Dayanıqlı Ailə Planlaşdırılması” vəkillik layihələri keçiriləcək.
Bura daxil olan vəkillik kampaniyalarından biri də Bakı, Şəki, Gəncə və Mingəçevir şəhərlərində fokus qruplarının yaradılmasıdır.
Fokus qrupları Bakıdan gələn layihə üzvləri ilə görüşəcək və regionlarda gender əsaslı cins seçiminə dair məsələlərlə bağlı təşəbbüslərlə çıxış edəcəklər.
Kriteriyalar:
1) 16-35 yaş aralığında olan, Bakı, Şəki, Gəncə, Mingəçevir şəhərlərində yaşayan aktiv şəxslər;
2) Regionda gender əsaslı cins seçiminə qarşı mübarizə aparmağa təşəbbüsü olan şəxslər.
İştirak üçün qeydiyyat mütləqdir.
Görüşlərin avqustun sonu və sentyabrın əvvəli keçirilməsi planlaşdırılır.
