Paytaxtda yerləşən İran mağazalarında bəzi məhsulların üzərində son istifadə tarixi fars əlifbası və hicri təqvimi ilə verilir. Nəticədə, alıcılar məhsulların üzərində yazılanları başa düşmür. Bu haqda Oxu.az 26 yanvar tarixində məlumat verib.
Sorğunun nəticələrinə görə, əhalinin yalnız kiçik bir hissəsi hicri təqvimi və fars əlifbası ilə tanışdır. İstehlakçılar malı alarkən, malların saxlanma müddətini və şərtlərini bilmədən zəhərlənmə riski ilə üzləşirlər. Onlar satıcılara güvənməyə və malın təzə olduğuna inanmağa məcbur olurlar.
Azad İstehlakçılar Birliyinin sədri Eyyub Hüseynov bildirib ki, Nazirlər kabinetinin 94 saylı qərarında göstərir ki, əmtəə bazarında satılan bütün mallar, o cümlədən ərzaq məhsulları, xarici dil ilə yanaşı, milli dildə də markalanmalıdır. Bu baxımdan, rəqəmlər Azərbaycanda tanınan Miladi təqvimi ilə ərəb hərflərlə, mətnlər isə latın əlifbası ilə yazılmalıdır.
