Suraxanı Rayon İcra Hakimiyyətinin Başçısı sakinlərlə görüş keçirib. Bu haqda 10 mart tarixində Suraxanı RİH məlumat verib.
Suraxanı Rayon İcra Hakimiyyətinin Başçısı Əziz Əzizov Hövsan qəsəbəsində E.Səfərov adına 118 saylı tam orta məktəbin akt zalında sakinlərlə görüş keçirib. Səyyar görüşdə 140 nəfərə yaxın sakin iştirak edib. Sakinlərin müraciətlərinə baxılıb və qaldırılan bir sıra məsələlər nəzarətə götürülüb.
Görüşdə Rayon Prokuroru Rəşid Mahmudov, RİHB-nin müavinləri, şöbə müdirləri, dövlət orqanlarının yerli idarələrinin və xidmət sahələrinin rəhbərləri iştirak ediblər. Başçı məsul şəxslərə müvafiq tapşırıqlar verib.
