Suraxanı rayonunda Vətən müharibəsi şəhidləri Muxtar Qasımlının və Orxan Qəhrəmanovun xatirələrini əbədiləşdirmək üçün tikilən bulağın açılışı olub.
AZERTAC-a istinadən xatirə bulağı Qaraçuxur qəsəbəsində inşa olunub. Açılış mərasimində şəhidlərin ailələri, dostları, İcra Hakimiyyətinin nümayəndələri və digər rəsmi şəxslər iştirak ediblər. Hər iki şəhidin müharibədə göstərdikləri qəhrəmanlığından danışılıb.
Muxtar Qasımlı oktyabrın 2-də Füzuli döyüşlərində əsgər yoldaşlarını döyüş meydanından çıxararkən qəhrəmancasına şəhid olmuşdur. Ölümündən sonra "Vətən uğrunda" və "Füzulinin azad olunmasına görə" medalları ilə təltif olunmuşdur.
Orxan Qəhrəmanov oktyabrın 21-də Füzuli döyüşləri zamanı şəhid olub. Ölümündən sonra "Vətən uğrunda" və "Xocavəndin azad olunmasına görə" medalları ilə təltif olunmuşdur.
[caption id="attachment_12452" align="alignnone" width="891"]
Foto AZƏRTAC[/caption]
