Hövsan yolunun təmiri uzun müddətdir ki naməlum səbəbdən dayandırılıb. Bu haqda APA 8 fevral tarixində xəbər verib.
4 hərəkət zolaqlı olması nəzərdə tutulan yolun cəmi iki zolağı istifadəyə verilib. Texnikalar da ərazidə tökülüb qalıb.
2015-ci ildə təmirinə başlanan Zığ dairəsi, Hövsan-Türkan avtomobil yolunun 2017-ci ilin oktyabrında tamamlanması nəzərdə tutulmuşdu.
Yol boyunca dayanacaqların olmaması da sakinləri narahat edir. Bir neçə il öncə 1-2 yerdə dayanacaq qoyulmuşdu, ancaq heç biri küləyin qarşısında dayana bilmədi, parça-parça olub ətrafa səpələndilər.
Azərbaycan Avtomobil Yolları Dövlət Agentliyi isə öz növbəsində yolun təmiri və tikintisi üçün hökumətin əlavə vəsait ayırmasını gözləyir.
Yenicə səlahiyyətləri Bakı şəhər İcra Hakimiyyətinə verilən Bakı Nəqliyyat Agentliyi isə təmir bitdikdən sonra dayanacaqların qoyulacağını deyib.
