Vüsal Babayev ölümündən sonra "Füzulinin azad olunmasına görə" medalı ilə təltif edilib
İkinci Şəhidlər Xiyabanında 8 yanvar tarixində şəhid baş leytenant Vüsal Babayevin doğum günü münasibətilə mərasim keçirilib. Bu haqda AzTv xəbər verib.
Artilleriya zabiti olan Vüsal Babayevin ad günündə doğmaları İkinci Fəxri Xiyabanda məzarını ziyarət edib, ruhuna dualar oxuyublar. Şəhidin özündən sonra iki övladı yadigar qalıb.
Vüsal Babayev 8 yanvar 1992-ci ildə Bakı şəhəri, Pirallahı rayonunun Pirallahı adasında anadan olub. O, müharibənin ilk günündən döyüşlərdə iştirak etmişdir. Oktyabrın 21-i Füzuli rayonunun Gecəgözlü kəndində gedən döyüşlərdə şəhid olub. Ölümündən sonra o, "Füzulinin azad olunmasına görə" medalı ilə təltif edilib.
