44 günlük müharibəni lentə alanlar arasında Bakıdan olanlar da var. Onlar barədə “Belə Belə İşlər…” komandası reportaj hazırlayıb.
Azərbaycan ordusunun günbəgün irəliləməsi, əsgərlərimizin döyüş səhnələri, onların yaralanması və bunun kimi müharibə dövründə çəkilən kadrların müəllifləri arasında Azərbaycan ordusunun Sənədli və Tədris filmləri Mərkəzinin üzvləri olan Qələndərov Zaur və Zeynalov Elmar da var.
Vətən Müharibəsi dövründə Müdafiə Nazirliyinin 14 hərbi quluqçu-operatoru fəaliyyət göstərib.
Onlar 44 gün sürən müharibənin hər günündə əsgərlərimizlə addımbaadım irəliləyiblər.
İşğaldan azad olunan torpaqlarda ehtiyat qüvvələr yerləşdirilməmişdən öncə çəkiliş qrupu gələrək görüntüləri xalqa çatdırırdı. Həmin dövrdə montaj işləri Beyləqanda ayrılmış mərkəzdə aparılıb. Kəşfiyyat qrupundan sonra o torpaqlara ilk ayaq basanlar da kadrarxası qəhrəmanlarımız olub.
Göstərdikləri şücaətlərə görə Qələndərov Zaur “Suqovuşanın azad olunmasına görə”, Zeynalov Elmar isə “Füzulinin azad olunmasına görə” medalları ilə təltif ediliblər.
