Xətai rayonunda 26 yanvar tarixində Vətən müharibəsi şəhidi Elvin Şükürlü anılıb. Bu haqda Xətai Rayonu İcra Hakimiyyəti xəbər verib.
Xətai rayonu 221 saylı orta məktəbin şagirdləri Polad Həşimov küçəsində yerləşən "Şəhidlər" parkında döyüşlərdə şəhid olmuş Elvin Şükürlü şəhidin xatirə lövhəsinin qarşısında anım tədbiri keçiriblər. Tədbirdə İcra Hakimiyyətinin rəsmiləri, şəhidin ailə üzvləri, yaxınları, döyüş yoldaşları və ictimaiyyət nümayəndələri iştirak ediblər.
Vətən müharibəsində şəhidin qəhrəmanlığından, vətənpərvərliyindən danışılıb. Şagirdlər tərəfindən vətənpərvərlik mövzusunda şeirlər və musiqilər səsləndirilib. Sonda isə xatirə şəkili çəkilib.
Elvin Şükürlü 27 sentyabr 2020-ci ildə başlayan Vətən müharibəsində iştirak edib. Murovdağ uğrunda gedən döyüşlərdə itkin düşmüşdür. 2021-ci il yanvar ayının 22-də 2-ci Fəxri Xiyabanda dəfn olunmuşdur. O, ölümündən sonra "Vətən uğrunda", "Kəlbəcərin azad olunmasına görə", "Şücaətə görə" medalları ilə və "Azərbaycan Bayrağı" ordeni təltif edilmişdir.
[caption id="attachment_30995" align="alignnone" width="800"] Foto Xətai Rayonu İcra Hakimiyyətinin rəsmi saytı[/caption]
