“Azəriqaz”ın 2 milyon 400 mininci abonenti paytaxt sakini olub. Bu haqda BakuPlus “Azəriqaz” İB-ə istinadən xəbər verir.
Həmin abonent paytaxtın Xəzər rayonu, Qala qəsəbəsi Ədalət küçəsində qeydiyyatda olan Sevil İsgəndərovadır.
Ailənin maddi durumunda sıxıntılar olduğundan Azəriqaz İB bu fərdi yaşayış evinin qazlaşdırılmasını öz üzərinə götürüb.
İstehsalat birliyinin Baş direktoru və Həmkarlar İttifaqının sədri ailəni ziyarət edərək onlara Təşəkkürnamə və qiymətli hədiyyə təqdim ediblər.
Bundan əlavə, birliyin sədri ailənin maddi durumu səbəbindən ailə başçısının müvafiq işlə də təmin ediləcəyini bildirib.
